Klubet e Ligës Premier nuk do lejohen të kenë lojërat e fatit si sponsor në fanella

Liga Premier ka njoftuar se klubeve do t’u ndalohet të kenë kompanitë e lojërave të fatit si sponsorë në fanellat e tyre.

Aktualisht, tetë skuadra që luajnë në kategorinë elitare kanë logo të bizneseve të lojërave të fatit në pjesën e përparme të fanellave të tyre, duke përfshirë Newcastle, West Ham dhe Everton.

Megjithatë, pasi u përhapën thashethemet se liga po goditej, është konfirmuar se lojërat e fatit nuk do të promovohet në mënyrën se si po ecën aktualisht.

Sponsorizimi në mëngë është ende i lejuar, por përfaqëson një lëvizje të paprecedentë nga Liga Premier, të cilët janë divizioni i parë që zbaton një rregull të tillë.

Ai nuk do të hyjë në fuqi menjëherë për shkak të marrëveshjeve të vazhdueshme të sponsorizimit, por do të ndodhë në fillim të sezonit 2025/26.

Premier League clubs have today collectively agreed to withdraw gambling sponsorship from the front of clubs’ matchday shirts, becoming the first sports league in the UK to take such a measure voluntarily in order to reduce gambling advertising

➡️ https://t.co/FG6V7sJcds pic.twitter.com/5xDX5sR4gY

— Premier League (@premierleague) April 13, 2023

“Njoftimi vjen pas një konsultimi të gjerë që përfshin Ligën, klubet e saj dhe Departamentin për Kulturë, Media dhe Sport, si pjesë e rishikimit të vazhdueshëm nga qeveria të legjislacionit aktual të lojërave të fatit”.

“Liga Premier po punon gjithashtu me sporte të tjera për zhvillimin e një kodi të ri për sponsorizimin e përgjegjshëm të lojërave të fatit”.

“Për të ndihmuar klubet në largimin e tyre nga sponsorizimi i lojërave të fatit, marrëveshja kolektive do të fillojë në fund të sezonit 2025/26”, thuhet në deklaratë. /Telegrafi/