Kinezët ofertë të pabesueshme për Sanchezin, por kiliani i refuzon milionat e tyre

Alexis Sanchez duket se ka vendosur të largohet përfundimisht nga skuadra angleze Arsenal.

Sulmuesi kilian është duke kaluar vitin e tij të fundit tek skuadra angleze dhe ende nuk ka pranuar vazhdimin e kontratës.

Së fundmi Sanchez ka marrë një ofertë nga kampionati kinez, më saktësisht nga skuadra Hebei China Fortune.

Hebei i ka ofruar kontratë katër vjeçare Sanchezit ku do ta bënte ndër më të paguarit në botë.

Në rast se do të pranonte transferimin në kampionatin kinez, Sanchez do të kishte pagë vjetore prej 25 milionë eurove.

Por e përditshmja angleze ‘The Sun’, ka shkruar se kiliani e ka refuzuar këtë ofertë pasi dëshiron të luaj në nivele të larta.

28-vjeçari po dëshiron t’i bashkohet Manchester Cityt dhe kjo ka qenë arsyeja që refuzoi milionat e Kinës.

Në rast se nuk arrihet ndonjë marrëveshje mes Cityt dhe Arsenalit në janar, atëherë Sanchez ka vendosur t’i bashkohet Pep Guardiolës në klubin nga ‘Etihad’ në qershor si transferim i lirë pasi ka nënshkruar para kontratë me ta sipas mediave angleze.

/Telegrafi/