Muajin e kaluar, ajo këmbënguli se nuk do të zgjedhë ende një ekip si të preferuar.
Por Kim Kardashian ka treguar që ajo ka një preferencë për një klub të Premier League, duke mbajtur logon e ekipit në postimin e saj të fundit në Instagram.
Ylli televiziv, 43 vjeç, u shfaq në rrjetin e saj të hënën për të ndarë disa foto me fëmijët, mbesat, nipërit dhe Scott Disick.
Megjithatë, çfarë i kapi vëmendje e fansave ishte Kim me një kapele të kuqe bejsbolli të Manchester United.
Bukuroshja së fundmi është parë duke ndjekur disa ndeshje futbolli dhe duke pozuar me yjet më të mëdhenj të sportit.
Ndërsa Kim luante futboll në shkollë, interesimi i saj për këtë sport është intensifikuar nga dashuria e djalit të saj tetë vjeçar Saint për lojën.
E etur për të ushqyer pasionin e Saint për futbollin, Kim mori djalin e saj dhe disa nga miqtë e tij për të parë një ndeshje të Arsenalit në Emirates Stadium në mars.
Grupi u pa në të njëjtin muaj në Parc des Prince për të parë Paris Saint-Germain duke luajtur, ndërsa Kim vazhdoi 'turin e saj të futbollit'.
Udhëtimi u dokumentua në një episod të fundit të “The Kardashians”, me Kim që shpjegon se Saint ka një obsesion dhe dashuri të re pas futbollit, kështu që vendosi ta planifikoj këtë si një udhëtim legjendar të jetës'.
Në korrik, Kim mori gjithashtu Saint për të parë debutimin e Lionel Messit për Inter Miami së bashku me David dhe Victoria Beckham.
Kur u pyet nëse Saint ka një lojtar të preferuar, ajo u përgjigj se ishte Messi dhe se ai ishte "aq i emocionuar", që bëri një ‘selfie’ me yllin.
Kim gjithashtu ka zbuluar më parë se Cristiano Ronaldo është një nga idhujt e Saintit dhe ai gjithashtu duket se është një fans i madh i ikonës së Francës, Kylian Mbappe.
Megjithatë, ndërsa në ndeshjen e Arsenalit në mars, Saint pranoi se lojtari i tij i preferuar është në fakt Bukayo Saka i Anglisë.
Në korrik, ajo shkrepi foto duke festuar së bashku me Mbappe, përpara se të merrte Saint për të takuar Neymar dhe Ronaldo pas ndeshjes PSG kundër Al-Nassr në stadiumin Nagai. /Telegrafi/
