Kim Kardashian ‘e bllokuar’ nga Kanye West, nuk e di se çfarë do të bëjë me martesën e tyre

Kim Kardashian raportohet se po ndjehet e ‘bllokuar’ nga Kanye West pasi dyshja patën një ribashkim jo edhe aq të mirë në Wyoming.

Reperi 43-vjeçar javën e kaluar përmes një postimi të ndarë në Twitter pretendoi se që dy vite është përpjekur të ndahej nga gruaja e tij, Kim, gjë që bëri yllin televiziv të lëshojë një deklaratë në lidhje me shëndetin mendor të Kanye, përpara se të fluturonte në Wyoming për të biseduar me të.

Megjithatë, pas ribashkimit të tyre, ata raportohet se nuk ishin në gjendje të gjenin një zgjidhje, duke krijuar çështje të reja për të ardhmen e martesës së tyre.

“Kjo është një periudhë shumë e vështirë për të”, ka thënë një burim për People.

“Ajo është shumë e mërzitur… Kim ndihet e bllokuar. Ajo e do Kanye dhe e mendon atë si dashurinë e jetës së saj. Por, ajo nuk e di se çfarë do të bëjë”.

Lexo po ashtu Kim Kardashian rikthehet sërish e dëshpëruar në Los Angeles pas takimit me Kanye West në Wyoming

Burime të shumta kanë pohuar se martesa e çiftit ka qenë nën tendosje para incidenteve të javëve të kaluara dhe tani është afër ‘thyerjes’.

“Në asnjë aspekt të pasigurt, Kanye i tha Kim se po planifikon të qëndrojë në Wyoming. Kush e di se për sa kohë”, shton më tej burimi.

“Ata janë thjesht në trajektore krejtësisht të ndryshme me Kanye, madje nuk pranon se ai duhet të kërkojë ndihmë. Kim është e lodhur dhe tejet e trishtuar për të gjithë situatën”.

West së fundmi bëri edhe një kërkim falje publike për bashkëshorten e tij 39-vjeçare përmes një postimi të shpërndarë në Twitter, ku thotë se nuk duhet zbuluar të gjitha çështjet private familjare siç veproi ai. /Telegrafi/