Këshilli gjyqësor shpall konkurs për zgjedhjen e 31 gjykatësve në 13 gjykata themelore

Këshilli gjyqësor në mbledhjen e 436-të mori vendim ku shpallet konkursi për zgjedhjen e 31 gjyqtarëve në disa gjykata të vendit, pa Shkupin.

Kandidatët e gjeneratës së shtatë të Akademisë së gjykatësve dhe prokurorëve publikë mund të konkurojnë për gjashtë pozita gjyqtari në Gjykatën e Priliepit, katër në Strugë, tre në Manastir dhe Kërçovë, dy në Krushevë, Ohër, Tetovë, Dellçevë, Radovish dhe Berovë dhe nga një pozitë në Kumanovë, Strumicë dhe Sveti Nikole.

Vendimi për shpalljen e konkursit u miratua me 8 vota për dhe katër vota kundër.

Në pjesën më të madhe të debatit të sotëm, anëtarët e Këshillit Gjyqësor debatuan për pikën për miratimin e vendimit për publikimin e shpalljeve për zgjedhjen e gjykatave në gjykatat themelore në vend, u debatua nëse do të publikohet shpallje për të gjitha gjykatat sipas nevojave apo do të lihen jashtë për në Shkup, ku ka interesim më të madh, ndërsa të publikohen shpallje për gjyqtarë në gjykatat e brendshme, ku ka më pak interes dhe situata është më alarmante.

Disa nga anëtarët e Këshillit argumentuan se ndoshta është e nevojshme të mendohet në mënyrë strategjike, në mënyrë që derisa të krijohet një rrjet i ri gjyqësor (që nuk varet prej tyre), të forcohen gjykatat me kompetencë të zgjeruar, nga ku me delegim gjyqtarët do të dërgohen në gjykatat themelore ku nuk ka interes nga kandidatët, ndërsa gjendja është alarmante. Të tjerë theksuan se gjykatat nuk ekzistojnë për gjyqtarët, por gjykatat ekzistojnë për nevojat e qytetarëve dhe situata është alarmante pothuajse në të gjitha gjykatat./Telegrafi/