Këshilla profesionale për grim

‘Make up’ artistja Vjosa Metaj – Cena vjen për fansat e studios Angel, me një produksion nga Zero Pozitive Publicis, i ideuar si këshilla profesionale rreth grimit dhe produkteve në grim.

“Është një iniciativë e përbashkët e studios Angel dhe Zero Pozitive Publicis, që në ç’do fundjavë, të shtunën, të sjellim për femrat e grupmoshave të ndryshme, këshilla profesionale të ilustruara dhe aplikuara drejtpërdrejtë në modele. Qëllimi ynë është që femrat, në dinamiken e sotme te kenë qasje më të lehtë në informim dhe t’i përshtatin këto këshilla dhe t’i aplikojnë, në mënyrë që paraqitja e tyre të jetë e kuruar dhe e pranueshme. Janë realizuar dhjetë seri nga ‘Këshilla profesionale për grim’ dhe jemi në përgatitje të serive të reja”, ka shpjeguar Vjosa për Telegrafi.

Ajo ka thënë se do të trajtohen tema të ndryshme rreth grimit dhe aplikimit të tij, këshillat do të ofrohen përmes kanalit zyrtar të studio Angel në YouTube dhe faqes zyrtare në rrjetin social Facebook.

“E tërë kjo mundësi e hapur me qëllimin e mirë që femra të marrë këshillat e nevojshme për grim. Ky projekt do të zhvillohet edhe më tej në minutazh në fazën e tij të dytë dhe planifikohet që të marrë trajtën e një shou të vërtetë. Tashmë, model nuk do të jenë vetëm ato ç’farë ju shihni te këngëtaret, aktoret dhe personalitetet publike, por edhe nga modele të cilat janë në rubrikën: ‘Këshilla profesionale për grim nga : Vjosa Metaj – Cena & Zero Pozitive Publicis’”, ka shtuar Vjosa.