Këngëtarja zbulon një të pathënë për Arjan Çanin!

Gugu dhe Xhesika Ndoj, dy këngëtare të cilat më shumë se për zërin, janë bërë të njohura për pamjen e tyre sexy, kanë pasur një përplasje mes tyre sa i përket të dashurit.

Njëra thotë se ka marrë të dashurin e tjetrit dhe anasjelltas, ndërkohë që përplasja mes tyre ka qenë virtuale pasi ato nuk janë takuar asnjëherë.

Edhe këtë të premte, edhe pse ishin të ftuara në të njëjtin emision “Zonë e lirë”, dy vajzat bukuroshe nuk patën mundësi të takoheshin. Kjo pasi Xhesika u shfaq Live në pjesën e parë të emisionit e shoqëruar nga Kallashi ku prezantuan klipin e tyre më të ri., raporton Express.

Ndërsa Gugu erdhi menjëherë pasi vajzat lanë studion e “Zonë e Lirë”, transmeton mapo.al.

Ky fakt duket se e mërziti këngëtaren, e cila tha se duhej të ishte ajo e ftuara e pjesës së parë. Gugu nuk la pas edhe akuzat ndaj moderatorit Arjan Çani, duke aluduar se Xhesika Ndoj mund t’i ketë dhënë para që të dilte në pjesën e parë të emisionit.

Isha unë e ftuara e parë e emisionit. Unë e di se i do shumë lekët, – tha Gugu.

“Unë e bëj pa lekë emisionin. Unë nuk marr asnjëherë lekë, e di. Ishte ti e para po s’e nisja dot me ty se ato ishin të dyja bashkë, e di që je bërë pak xheloze”, ju përgjigj Çani.