August Alsina është bërë kryetemë në mediat botërore pasi Jada Pinkett Smith pranoi se ka pasur një aferë dashurie me të.
Mirëpo, me gjithë vëmendjen e madhe mediatike, këngëtari nuk duket aq i entuziazmuar.
Bashkëshortja e Will Smith, me të cilin është e martuar që nga viti 1997, pranoi në emisionin në Facebook, Red Table Talk, përballë burrit të saj se ka pasur marrëdhënie me Alsinan para katër vitesh.
Jada ka rrëfyer se afera kishte ndodhur kur dhe aktori ishin të ndarë përkohësisht, dhe se romanca kishte përfunduar, ndërsa çifti i famshëm ishin rikthyer bashkë.
Meqenëse rrjetet sociale ishin pushtuar nga komentet lidhur me këtë çështje, August ka reaguar duke sqaruar se nuk kishte se çfarë të thoshte më shumë për këtë temë.
Ai ka kërkuar që ta lënë të qetë, sepse nuk dëshiron të përfshihet në tema në të cilat nuk ka asgjë për të thënë.
