Katy Perry fiton apelin për të drejtën e autorit për këngën “Dark Horse”

Katy Perry ka fituar apelin e saj në një çështje për të drejtat e autorit mbi hitin e saj të vitit 2013 “Dark Horse”.

Artistes amerikane nuk do t’i duhet më t’i paguajë 2.8 milionë dollarë reperit Flame (emri i vërtetë Marcus Grey), i cili pretendoi se kënga e saj ishte plagjiaturë e këngës së tij e vitit 2009 “Joyful Noise”.

Grey paditi Perry-n dhe të pandehurit, përfshirë Capitol Records në 2016 dhe fillimisht iu dha 2.8 milion dollarë në një vendim jurie tre vjet më vonë.

Por Perry apeloi dhe një gjykatës i gjykatës federale e anuloi vendimin në mars 2020, shkruan The Guardian.

Gjykata me bazë në Pasadena të Kalifornisë tha se modeli me tetë nota, i njohur si një ostinato, përbëhej “krejt nga elementë muzikorë të zakonshëm” që nuk kishin “kuantumin e origjinalitetit” të nevojshëm për mbrojtjen e të drejtave të autorit.

“Dark Horse” u shfaq në albumin e Perry-t të vitit 2013 ‘Prism’ dhe kaloi katër javë në krye të “Billboard Hot 100” në vitin 2014.

Vendimi në favor të Perry vjen në mes të një numri të muzikantëve të njohur që po përballen me padi për të drejtat e autorit.

Ed Sheeran ka mbrojtur akuzat se ai ka kopjuar pjesë të hitit të tij të vitit 2017 “Shape of You” nga një këngë e shkruar nga Sami Chokri dhe Ross O’Donoghue në gjykatën e lartë këtë javë.

Lexo po ashtu Të gjitha lajmet nga Katy Perry

Dua Lipa po përballet me dy padi për këngën e saj “Levitating”, njëra e sjellë nga një grup ‘reggae’ në Florida, tjetra nga dy kompozitorë.

Sam Smith dhe Normani janë paditur gjithashtu për kopjimin e elementeve të një kënge nga Jordan Vincent, Christopher Miranda dhe Rosco Banlaoi për këngën “Dancing With a Stranger”.