Katër hajdutë vodhën tri vetura nga një dyqan me qira në Michigan – por gëzimi i tyre nuk zgjati shumë

Një grup prej katër hajdutësh hynë në një dyqan makinash me qira në Southfield, Michigan.

Por fatkeqësisht për ta, “loja” nuk zgjati shumë, pasi të gjithë kishin pajisje gjurmuese dhe u gjetën, shkruajnë mediat e huaja, përcjell Telegrafi.

Vjedhja ndodhi rreth orës 1:30 të mëngjesit të datës 2 korrik në Dream Luxury Car Rental.

Pamjet nga jashtë objektit tregojnë katër hajdutë që hyjnë në ndërtesë përpara se të iknin me shpejtësi me TRX, Corvette dhe Benz.

Të katër ishin me fytyrat e tyre të mbuluara.

Dhe atyre iu deshën vetëm dy minuta “për të vjedhur” makinat.

Duke folur me Click On Detroit, pronari i biznesit, Sam Zahr, tha se hajdutët gjithashtu u përpoqën të vidhnin një Mercedes-Maybach S-Class, por nuk kishin sukses.

Policia mbërriti në vendngjarje pak minuta pasi makinat u vodhën dhe nuk kaloi shumë dhe të tri makinat u gjetën të braktisura në vende të veçanta.

Zahr po ofron një shpërblim prej 5000 dollarësh për informacionin që çon në arrestimin e hajdutëve.

Ai tha se ishte më i mërzitur për dëmin e Cullinan-it pasi ishte rezervuar për një martesë një ditë pas vjedhjes, duke e detyruar atë të anulonte marrëveshjen për qira. Zahr vlerëson se ai është rreth 30,000 dollarë. /Telegrafi/