Kapen 7 milionë euro false në Napoli

Policia italiane ka konfiskuar 7 milionë euro false dhe ka arrestuar tre personat përgjegjës të krimit. E gjithë shuma false e parave ishte në kartmonedhën 20 euro, të hyra vitin e kaluar në kohën kur autoriteter italiane kishin shtuar masat e sigurisë me qëllim pengimin e falsifikatorëve.

Autorët, shtetas italianë kishin ngritur një strukturë të sofistikuar në një apartament në periferi të Napolit, qytet në jug të Italisë.

Sipas policisë italiane, e cila bastisi apartamentin, autorët prodhonin karmonedha false me aktivitet të plotë.

Nënkoloneli Guglielmo Sanicola tha se kjo ishte hera e parë që zbulohej falsifikimi i kartëmonedhës të re 20 euro.

“Paratë false nuk është nevoja të jenë perfekte, mjafton vetëm të mashtrohen konsumatorët. Por këto që kemi konfiskuar janë të një cilësie shumë të lartë” , tha ai.

Version i ri i kartëmonedhës 20 euro ka nisur të qarkullojë në tregun e zonës euro nga fundi i nëntorit të kaluar, e cila përfshin një hologram transparent që tregon një portret nga mitologjia greke. Deri në atë kohë kartëmonedha 20 euro ishte objektivi më i shpeshtë i falsifikimeve.

Sipas statistikave të Bankës Qendrore Evropiane, më shumë se 46 përqind e parave false të hequra nga qarkullimi në gjysmën e dytë të viti të kaluar ishin kartëmonedha 20 euroshe.

Pas zbulimit të shumës fillestare prej 500 mijë eurosh false kryesisht në kartëmonedha 20 euro, policia financiare gjeti gjatë kontrollit në banesat e të arrestuarve gjeti 6.5 milion euro false në kartëmonedha 20, 50 dhe 100 euroshe. Zona përreth napolit është më e njohura për falsifikimet e Euro.