Kanye West kërkon miratimin përfundimtar për dokumentin e tij të Netflix: Unë jam përgjegjës për imazhin tim

Kanye West po kërkon të ketë fjalën e fundit mbi “Jeen-Yuhs: A Kanye Trilogy”, dokumentari i ardhshëm i Netflix për rrugën e tij drejt famës.

Vetëm dy ditë përpara premierës së parashikuar të “Jeen-Yuhs” në festivalin virtual të filmit Sundance të dielën, reperi 44-vjeçar postoi një mesazh në Instagramin e tij.

“Do ta them këtë me mirësi për herë të fundit. Më duhet të marr modifikimin dhe miratimin përfundimtar për këtë dokument përpara se të publikohet në Netflix. Hape dhomën e redaktimit menjëherë që të mund të jem përgjegjës për imazhin tim. Faleminderit paraprakisht”, ka shkruar Kanye.

Në përgjigje, Clarence “Coodie” Simmons, i cili drejtoi filmin me Chike Ozah, tha për New York Post, “Ne jemi ende duke u përpjekur t’i zgjidhim gjërat me Kanye dhe ekipin e tij”.

Në një intervistë me Variety javën e kaluar, Simmons dhe Ozah thanë se West-it nuk do të jepej versionin përfundimtare të Jeen-Yuhs,  e cila do të shfaqet si një ngjarje tre javore në Netflix duke filluar nga 16 shkurt.

“Unë i thashë duhet të më besosh mua. Dhe ai e bëri, 100%. Keni parasysh, kur ekipi i tij dhe njerëzit e biznesit janë përfshirë, ata sigurisht që do të thonë fjalën e tyre. Por më duhej ta tregoja këtë histori. Nuk ka të bëjë me ta bërë Kanye të pëlqyeshëm apo jo. Pamjet nuk gënjejnë. Ajo që e bën filmin të veçantë është se nuk është diçka përfundimtare, është udhëtimi i tij përmes vizionit tim”, tha Simmons, shkruan People.

Jeen-Yuhs është një dokumentar me tre pjesë i filmuar përgjatë më shumë se 20 viteve të karrierës së West. Filmi do të tregojë reperin duke bërë rrugën e tij si këngëtar dhe biznesmen, dhe gjithashtu do të hedhë një vështrim në kandidimin e tij të dështuar presidenciale të vitit 2020 dhe vdekjen e nënës së tij, Donda West , në 2007.

View this post on Instagram

A post shared by ye (@kanyewest)

Në trailer-in zyrtar për dokumentarin që u shfaq në fillim të këtij muaji, West mund të shihet në New York në 2002, dy vjet para publikimit të albumit të tij debutues “The College Dropout”.

Përpara premierës në Netflix, pjesa e parë e dokumentarit të titulluar “Act 1 (Vision)” do të shfaqet gjithashtu në kinema për një ditë të vetme më 10 shkurt.

Në vitet që nga fillimi i xhirimeve, West ka vazhduar të bëhet një nga artistët më të suksesshëm dhe më me ndikim në hip-hop. Ai gjithashtu ka përballuar pengesa të ndryshme, duke përfshirë një diagnozë të çrregullimit bipolar në 2016 dhe një divorc shumë të komentuar nga Kim Kardashian , nëna e katër fëmijëve të tij, në 2021.

West publikoi albumin e tij të dhjetë “Donda” në gusht të 2021. /Telegrafi/