Kamioni përplaset në pemën gjigante, e cila këputet dhe përfundon mbi kokën e kalimtares së rastit (Video, +18)

Kamerat e sigurisë kanë filmuar momentin kur një kamion përplaset me një pemë gjigante, e cila më pas këputet dhe përfundon mbi kokën e një kalimtare raste, derisa tjetra që ishte shumë afër saj i shpëton për një fije floku më të keqes.

Në videon shihen dy femra të cilat zbresin nga një veturë në Bulacan të Filipineve. Ndërsa në anën tjetër të rrugës, një kamion gjigant përplaset në pemën që këputet dhe përfundon mbi kokën e njërës prej këtyre vajzave, transmeton Telegrafi.

Por, është interesant se si në momentin që bie pema, vajza e cila dukej se do ta pësonte shpëton për një fije floku, derisa tjetra që dukej se gjendej në zonën e “sigurt” goditet në kokë.

Pasi kalimtarët tjerë panë se çfarë ndodhi, ata menjëherë vrapuan për ta ndihmuar vajzën që e dërguan me urgjencë në spital. Raportohet se gjendja e saj shëndetësore është stabile.

Athena Cruz e cila në ato momente gjendej brenda një zyre ku edhe përfundoi pema, ka deklaruar se nuk e kishte njohur personalisht vajzën e pafat, të cilës i ndihmoi për ta dërguar në spital. /Telegrafi/