Ka ndërruar jetë legjendari Pele, një nga futbollistët më të mëdhenj në histori

Pele, braziliani që prej kohësh konsiderohet si futbollisti më i mirë i të gjitha kohërave, ka vdekur në moshën 82-vjeçare.

Figura legjendare dhe ikona globale, mësoi se kanceri i tij në zorrën e trashë ishte avancuar më 21 dhjetor dhe iu tha se do të mbahej në spital gjatë Krishtlindjeve – me sulmuesin ikonik që kishte nevojë për trajtim për mosfunksionim kardiak dhe renal.

Më parë ai ishte shtruar në spital më 30 nëntor me ënjtje në të gjithë trupin.

Jeta e Peles jashtë fushës ishte po aq e gjallë sa fantazma e tij e famshme e Brazilit – ai kishte shtatë fëmijë, shumë afera dhe aktroi në filma.

Me vdekjen e Peles në moshën 82-vjeçare, futbolli ka humbur ‘Mbretin’.

Pele , 82-vjeçar nuk ia arriti të fitojë betejën me kancerin e zorrës së trashë, me botën e futbollit që tani është në zi për legjendën braziliane.

Pele karrierën e nisi te Santosi si 15 vjeçar, ku në ndeshjen debutuese arriti të shënojë gjashtë gola.

Ai qëndroi në Santos nga viti 1965 deri në vitin 1974 dhe gjatë asaj kohe fitoi gjashtë tituj të kampionatit brazilian. Ai ishte në pension për një vit, dhe më pas mori një ftesë nga New York Cosmos që nuk mund ta refuzonte – 7 milionë dollarë. Ai luajti në SHBA për tre vjet dhe fitoi titullin kampion.

Megjithatë, më mbresëlënëse ishin paraqitjet e tij për Brazilin, në fanellën e të cilit shënoi 77 gola në 92 paraqitje dhe me vendin e tij u bë kampion bote në vitet 1958, 1962 dhe 1970.

Ai hyri në Librin e Rekordeve Guinness si golashënuesi më i mirë në historinë e futbollit pasi shënoi 1279 gola në 1363 ndeshje, përfshirë ndeshjet miqësore.

/Telegrafi/