Joshua nuk rrëzohet nga froni, mbron titujt me nokaut teknik ndaj Takam (Foto/Video)

Anthony Joshua ka triumfuar në raundin e dhjetë në meçin kundër Carlos Takam.

Me këtë rast britaniku ka mbrojtur dy titujt IBF dhe WBA në kategorinë e peshave të rënda.

28-vjeçari kishte avantazhin e gjatësisë, pasi është 11 centimetra më i gjatë se 36-vjeçari dhe normalisht edhe më i rëndë në peshë, kjo për shtatë kilogramë.

Meçi u zhvillua në Principality Stadium në Cardiff, ku të pranishëm ishin 78 mijë tifozë.

Raundi i katërt ishte më i zjarrti, Joshua e rrëzoi Takamin me ç’rast gjyqtari u fut në mes për të bërë numërimin. Tri raundet tjerë i takuan gjithashtu britanikut, por me një diferencë pikësh të vogël.

Takam në raundin pestë u tregua aktiv, por me shumë vështirësi pasi kishte lëndime të theksua në fytyrë që ia vështirësonin luftimin.

Në dy raundet tjera, Joshua vazhdoi me dominimin, por edhe Takam tregoi kualitetet e tij duke treguar se nuk e ka ndërmend të dorëzohet lehtë.

Por, mund të themi se raundi i shtatë në pikë i takoi Takamit, por në të tetin Joshua ktheu dominimin.

Në raundin e dhjetë përfundoi gjithçka pas disa goditjeve të njëpasnjëshme të Joshuas ndaj Takam, gjyqtari e përfundoi meçin dhe i dha fitoren Joshuas.

Takam ishte i pakënaqur, pasi sipas tij, ai kishte forcën për të vazhduar. /Telegrafi/

https://www.instagram.com/p/BaztiyxAlvC/

https://twitter.com/mrGicheha/status/924399229371670528

https://www.instagram.com/p/Bazso4LH92f/?tagged=joshua

https://www.instagram.com/p/BazsglInVUO/?tagged=joshua

Takam taking all the biggest punches that Joshua has thrown, tough customer. #JoshuaTakam #KweseBoxing @Kwese_NG pic.twitter.com/SOtpzQ07n4

— Lolade Adewuyi (@Jololade) October 28, 2017