Josa: Dua angazhim, Gjilani i fortë

Gjilani do ta pres Prishtinën me trajnerin e ri që është Mirel Josa.

Dallimi me vetëm një pikë duke ndarë pozitat e dyta dhe treta bënë që kjo përballje të prodhoj cilësi dhe interesim të madh.

Gjilani vetëm vitin e kaluar triumfoi për herë të parë pas luftës në kampionat kundër Prishtinës.

Mirel Josa, ka vetëm një mungesë, Lorik Maxhunin e suspenduar në dy ndeshje, ndërsa Morina ka më shumë.

Trajneri i ri pret që ekipi të tregojë më shumë angazhim në këtë ndeshje.

“Jam i kënaqur se si janë impenjuar futbollistët në stërvitje. Normalisht kur të ndërrohet trajneri, e më ka qëlluar edhe herë tjetër, sikur kur kam ikur, po ashtu edhe kur kam ndërruar trajner tjetër, ka njëfarë impulsi tjetër, por unë nuk besoj se do të ketë ndryshim sa i përket impenjimit dhe do të jetë maksimal”.

“Gjilanin e respektojmë, ashtu si çdo skuadër tjetër, por po ashtu është skuadër që i ka dhënë tonin kampionatit me rezultatet që ka pasur dhe vetë këto flasin për respektin që do të kemi ne karshi tyre. Nuk ka nënvlerësime, nuk ka mbivlerësime, por ne të bëjmë punën si skuadër dhe të shohim se çfarë rezultati do të nxjerrim”, ka thënë kryetrajneri, Mirel Josa.