Joe Gomez ka një ofertë për t’u larguar nga Liverpool dhe atë nga rivali i The Reds

Tottenham Hotspur po konsideron nënshkrimin e Joe Gomez, mbrojtësit të talentuar të Liverpoolit, si pjesë e strategjisë së tyre për të forcuar linjën e tyre defnzive.

Sipas raportimeve në mediat britanike, drejtuesit e skuadrës londineze janë të interesuar të kenë shërbimet e Gomez, por kanë frikë se Reds nuk do të jenë të gatshëm ta lirojnë lojtarin për shkak të lëndimit të fundit të pësuar nga Kostas Tsimikas.

Lojtari 26 vjeçar ka qenë një mbrojtës i shquar për Liverpoolin që kur mbërriti në klub në vitin 2015. Shkathtësia e tij në mbrojtjen qendrore dhe aftësia e tij për t’u përshtatur me sisteme të ndryshme taktike e bëjnë atë një aset të vlefshëm për çdo ekip të Ligës Premier.

Lexo po ashtu Liverpool në kërkim të një mbrojtësi, krijon listën prej tre emrave

Për më tepër, mnosha dhe potenciali i tij i rritjes e bëjnë atë edhe më tërheqës për Tottenham, siç raportohet në ‘Daily Mail’.

Lëndimi i Kostas Tsimikas ka lënë një boshllëk në mbrojtjen e Liverpoolit, duke bërë që Tottenham të shqyrtojë mundësinë e nënshkrimit të Gomez.

Lexo po ashtu Është mysliman, por feston Krishtlindjet - Salah me mesazh edhe për bombardimet në Gaza

Megjithatë, Liverpool mund të hezitojë ta lërë lojtarin të largohet në mes të një sezoni, duke shtuar një element pasigurie në këtë transferim të mundshëm.

Joe Gomez ende nuk ka komentuar për largimin e tij të mundshëm nga Anfiled, por duket se ai do të ishte i gatshëm të ndryshonte skenën e tij për të pasur më shumë rëndësi në fushë. /Telegrafi/