Jo vetëm bregdet, trashëgimia kulturore në Shqipëri tërheq 47 për qind më shumë vizitorë

Shqipëria turistike vijon të tërheqë vëmendje jo vetëm për bregdetin magjepsës, por edhe për pasurinë e saj kulturore.

Sipas shifrave të publikuara nga Ministria e Ekonomisë, Kulturës dhe Inovacionit, 3-mujori i parë i vitit 2024 shënoi rritje me 47 për qind të vizitorëve në institucionet e trashëgimisë kulturore, krahasuar me vitin 2023.

Lexo po ashtu Darzeza e Fierit, një tjetër perlë e Adriatikut gati për sezonin veror

Nga janari në mars, institucionet e trashëgimisë kulturore janë vizituar prej më shumë se 97 mijë vizitorësh, vendas dhe të huaj. Ndërkohë që një vit më parë, për të njëjtën periudhë kjo shifër arrinte në rreth 51 mijë vizitorë.

Më herët, ministri i MEKI-t, Blendi Gonxhja ka bërë publike edhe shifrat e vizitueshmërisë së muzeve e parqeve arkeologjike, shifra të gjitha në rritje.

Lexo po ashtu Restorantet e Sarandës dhe Vlorës shtrenjtojnë çmimet deri në 33 për qind, Durrësi mbetet i pandryshuar

Sipas INSTAT, vetëm gjatë muajit mars numri i shtetasve të huaj që kanë hyrë në territorin shqiptar shënoi një rritje prej 47.1 %, duke arritur 564.975. Ndërsa përgjatë 3-mujorit, Shqipërinë e vizituan 1 535 113 shtetas të huaj ose gati 500 mijë më shumë se në të njëjtën periudhë të 2023-shit. /Telegrafi/