Jeta pas divorcit: Ai humb miqtë, ndërkaq ajo ndryshon dukjen

Pas divorcit femrat kanë nevojë që ndjenjat e tyre më të thella t’i ndajnë me miqtë dhe kështu “çlirojnë shpirtin” nga dhembja e cila i mundon, ndërsa meshkujt refuzojnë që të përballen me ndjenjat.

Femrat kanë nevojë për dashuri, ndërkaq meshkujt rrallë falin zemrën e tyre. Ata më vështirë flasin për ndjenjat, për ç’arsye më vështirë e përballojnë divorcin, thonë psikologët.

Pjesëtaret e gjinisë së bukur më shpejt e kuptojnë kur merr fund lidhja, ndërkaq meshkujve u nevojitet diç më shumë kohë.

Pas divorcit, femrat kanë nevojë që ndjenjat e tyre më të thella t’i ndajnë me miqtë dhe me familjen. Ato brenda vetes nuk e grumbullojnë hidhërimin, ndërkaq dhembja kalon, për ç’shkak mund të marrin më shpejt veten, transmeton Telegrafi.

Ndërkaq, meshkujt nuk i ndajnë emocionet e tyre me të tjerët. Ata më së shpeshti i ndrydhin në vete dhe shtiren sikur çdo gjë është në rregull, thekson Tracey Cocks, terapeute seksuale.

Lexo po ashtu Pas divorcit çdo i dhjeti i nxit miqtë kundër ish-partnerit

Meshkujt e ngarkojnë veten me punë të shumta, në mënyrë që të mos kenë kohë të mendojnë për ish-partneren, kërkojnë ngushëllim në alkool apo tek femrat e tjera. Ata do të bëjnë çmos që të mos përballen me divorcin dhe me dhembjen të cilat e shoqërojnë pas përfundimit të lidhjes.

Lexo po ashtu Sërish divorcoheni? Mbase e keni ‘gjenin e divorcit’ të shkruar në ADN

Shfaqjen e ndjenjave ata më së shpeshti e konsiderojnë si shenjë dobësie dhe patetizmi, por frikësohen që të mos duken të dobët para miqve të tyre.

Femrat pas divorcit shpesh ndryshojnë dukjen e tyre, frizurën apo stilin e veshjes dhe në këtë mënyrë shfaqin fillimin e jetës së re. Ndërkaq, meshkujt vuajnë në heshtje gjë që aq shumë shfaqet në dukjen e tyre. Lodhja, rraskapitja dhe net pa gjumë lënë gjurmë të dukshme, thotë Cocks. /Telegrafi/