I jepet lamtumira e fundit dy të rinjve që u vranë në Klinë, shokët veshin bluzët me fotografitë e tyre

Sot i jepet lamtumira e fundit dy të rinjve të cilët u vranë me armë zjarri mbrëmjen e së mërkurës në një lokal në qytetin e Klinës.

Sipas mediave lokale ceremonia e varrimit tashmë ka nisur me qindra qytetarë të cilët po marrin pjesë.

Ndërsa, një grup të rinjsh kanë veshur bluza me fotografitë e viktimave.

Lexo po ashtu Vdes edhe personi i dytë pas të shtënave me armë në Klinë

Ndërkaq, drejtori Rajonal i Policisë, Shaban Shala, kishte dhënë detaje rreth rastit, duke deklaruar se viktimat janë të moshës 20 dhe 21 vjeç.

“Kur kemi arritur në vendngjarje, kemi gjetur një viktimë aty dhe i dyshuari kishte ikur. Si pasojë e kësaj, kemi një person që nuk kishte shenja jete dhe një tjetër që ka ndërruar jetë rrugës për në spitalin Rajonal të Pejës, pasi nuk ka mundur të përballojë plagët,” tha Shala.

Ai duke iu referuar informacioneve paraprake, tregoi se bëhet fjalë për 4-5 gjuajtje me armë zjarri.

Ndryshe, në lidhje me këtë ngjarje të rëndë prokurorja Sahide Gashi kishte thënë të enjten se nuk dihen motivet që çuan në këtë akt të rëndë. /Telegrafi/