Jep dorëheqje Bilen Saliji, Ministër i drejtësisë në Maqedoni (Video)

Ministri i Drejtësisë në Maqedoni, Bilen Saliji ka dhënë dorëheqje.

Saliji ka thënë se jep dorëheqje për arsye të rastit të Almir Aliut dhe se është lëkundur besimi në gjyqësinë në Maqedoni. Saliji ka thënë se dorëheqja nuk vjen si akt i dështimit e as presionit por si akt për të sensibilizuar opinionin, shkruan Telegrafi Maqedoni.

Ai ka thënë se një vizioni i kësaj qeverie është ”shoqëri për të gjithë”

”Angazhimi primar i kësaj qeverie është që gjyqësori të ecë në këtë rrugëtim drejt vende evropiane. Duhet të jemi të përpiktë dhe shumë të kujdesshëm. Kur u betuam në mënyrë solemne u zotuam se do të kthejmë besimin e qytetarëve. Vendimi kontrovers për rikualifikimin e veprës ”Almiri” lëkundi besimin tim. Unë, përshkak të lëkundjes së këtij besimi, ndjej obligim moral të jap dorëheqje, jo si akt i dështimit e as presionit por si akt që besojë se do të jetë sensibilizues edhe më i madh i vëmendjes së institucioneve por edhe gjithë shoqërisë” tha para gazetarëve Saliji.

Saliji në fund falemnderoi bashkëpunëtorët. /Telegrafi/