“Jemi të sigurt se Rusia do të përdor emrin e ri kushtetues Maqedonia e Veriut”

Marrëveshja e Prespës ka kontribuar në forcimin e paqes dhe stabilitetit në Ballkan që nga nënshkrimi i saj dhe është gjithashtu një model i pranuar ndërkombëtarisht për zgjidhjen e dallimeve midis dy shteteve të pavarura sovrane nën patronazhin e OKB-së, pa ndërhyrje nga palë të treta, thonë nga Ministria e Punëve të Jashtme të Greqisë duke përgjigjur ndaj deklaratës së Ministrisë së Punëve të Jashtme ruse në lidhje me marrëveshjen e Prespës, njofton korrespondentja e AIM-së nga Athina.

“Partnerët tanë ndërkombëtarë janë të thirrur të respektojnë frymën dhe përmbajtjen e marrëveshjes dhe ta përshëndesin faktin se udhëheqësit politikë e të dyja vendeve kanë treguar guximin e nevojshëm politik për të arritur një zgjidhje për një çështje veçanërisht të vështirë, duke mbrojtur në të njëjtën kohë interesat e tyre kombëtare”, thonë nga MPJ e Greqisë.

Ata shprehin bindjen se Rusia “do të respektojë ndjeshmërinë e popullit grek në lidhje me përdorimin e emrit Maqedonia” dhe që tani e tutje, vendi të përdorë “emrin e ri kushtetues, domethënë të Maqedonisë Veriore”.

Dhe ajo çka është më e rëndësishme, të distancohen nga deklarata të ngjashme të cilat ndërhyjnë në punët e Greqisë”, thonë MPJ-ja e Greqisë./Telegrafi/