Jeep Wrangler mund ta ketë së shpejti një rival (Foto)

Model të njejtë, është duke testuar edhe GMC

Dominon për shumë vite në këtë lloj të veturave, ku qëndron vetëm dhe me shumë sukses, transmeton Telegrafi. Mirëpo, nëse GMC është duke punuar diçka në këtë aspekt, për Jeep Wrangler mu nuk do të jetë vetëm.

Tani që makinat SUV janë më të kërkuara dhe profitabile, të gjithë prodhuesit po mundohen të sjellin të reja, duke i sakrifikuar sedanët tradicional. Në këtë mënyrë, Jeep ka mbetur pa anjë rival apo konkurencë.

Raportohet se GMC është duke i testuar dy makina të ngjashme me Wrangler, nëpër terrene të vështira në Miçigan të Shteteve të Bashkuara.

Të dy makinat, kanë qenë të mbuluara me pajisje që mbledhin të dhënat, gjë që kuptohet se nuk ishte vetëm një xhiro për argëtim. Kjo nënkupton se janë duke u bërë përgatitjet e duhura, që Wrangler mund ta ketë së shpejti një rival, i cili mund t’ja lëvizë pozitën që e ka.

Gjatë vitit 2017, Dulcant Aldred që është shefi i GMC, kishte deklaruar se janë duke punuar në rivalin e Jeep Wrangler. “Nuk mendoj se ia vlenë të konkurohet me Wrangler, por mendoj se ka hapësirë në atë treg” ka thënë mes tjerash Aldred.

Megjithëse nuk ka ndonjë të dhënë konkrete, thehet se mund të kthehet GMC Jimmy, që të përballet me Jeep Wrangler shumë të kërkuar në treg. /Telegrafi/