Ishin në shfrytëzim nga AAK, Ministria e Bujqësisë rikthen objektin me mbi 600 metra në Prishtinë

Objekti i cili ishte në shfrytëzim nga Aleanca për Ardhmërinë e Kosovës prej 600 metra, sot i është rikthyer Ministrisë së Bujqësisë.

Kështu ka njoftuar ministri i Bujqësisë, Faton Peci, i cili edhe ka thënë që së shpejti fillojnë me procesin e renovimit, transmeton Telegrafi.

“I rikthyem mbi 600 metra katrorë në shërbim të titullarit; Ministrisë së Bujqësisë! Sot vizitova hapësirat e objektit të Ministrisë së Bujqësisë në Lagjen Ulpiana në Prishtinë, ku kemi rikthyer mbi 600 metra katror në shërbim të institucionit. Së shpejti do të fillojmë me procesin e renovimit”, thotë ai.

Lexo po ashtu AAK i reagon ministrit Peci pasi tha që kanë rikthyer rreth 600 metra katrorë në Prishtinë, e quajnë manipulues ordiner

Tutje, ministri ka shkruar se “mbetet optimist se instancat e sistemit të drejtësisë do të marrin një vendim meritor që objekti i Ministrisë dhe hapësirat për rreth saj të jenë në shfrytëzim dhe shërbim për titullarin dhe njëherit të mundësohet zbatimi i vendimit tim si Ministër i marrë me datë 22.08.2023”.

Ministria e Bujqësisë edhe para disa ditësh ka kthyer në pronësi disa prona./Telegrafi/