Ishin 11 shtete që nuk i dhanë asnjë votë Ronaldos, mësoni kush mendoi se portugezi nuk e meritonte Topin e Artë

Cristiano Ronaldo fitoi Topin e Artë për të katërtën herë në karrierë, por jo të gjithë menduan se ai ishte më i miri këtë vit.

Nga procesi i votimit, ishin 11 vende që e anashkaluan superyllin e Real Madridit duke mos i dhënë asnjë pikë.

Gazetarët anekënd botës – 173 në total, kanë votuar për fituesin meritor. Ata kanë mundur t’i japin pesë pikë zgjedhjes së tyre të parë, tri futbollistit të dytë të zgjedhur dhe një pikë lojtarit të tretë.

Lexo po ashtu CR7 apo futbollisti më i mirë evropian në histori?

Vetëm 11 vende zgjodhën që të mos e përfshinin Ronaldon në listën e shpërndarjes së pikëve të tyre. Ato ishin: Uruguai, Turkmenistani, Suazilandi, Namibia, Rumania, Libia, Irani, Republika Qendrore Afrikane, Bolivia, Cape Verde dhe Andorra.

31-vjeçari i e fitoi çmimin prestigjioz falë një viti mahnitës me klubin dhe kombëtaren. Me Los Blancos, ai e fitoi Ligën e Kampionëve, kurse me Portugalinë triumfoi në ‘Euro 2016’. Për më shumë, gjatë këtij viti kalendarik, portugezi deri më tani ka shënuar 48 gola në 52 paraqitje.

Lexo po ashtu Votat për Topin e Artë, shikoni diferencën e frikshme të Ronaldos ndaj Messit (Foto)

Ai fitoi më shumë se dyfishin e votave të rivalit të tij më të afërt, Lionel Messi. CR7 mori 745 vota, kurse argjentinasi 316 vota. /Telegrafi/