“Isha mes jetës dhe vdekjes”, babai i Lamine Yamal jep intervistën e parë pasi u godit me thikë

Java e hapjes së sezonit të La Ligës mori një kthesë të keqe në Barcelonë, pasi babai i Lamine Yamal u godit disa herë me thikë të mërkurën mbrëma, si hakmarrje për një debat më herët gjatë ditës. Ylli i Barcelonës u stërvit normalisht të enjten dhe vizitoi babanë e tij pasdite.

Mounir Nasraoui, 38 vjeç, u godit me thikë në disa raste nga katër sulmues dhe u dërgua me urgjencë në spital.

Pavarësisht rrezikut fillestar, gjendja e tij u stabilizua dhe u bë e qartë se do të jetonte. Ai foli për ngjarjen të enjten mbrëma.

Lexo po ashtu Shfaqen pamjet e sherrit që çoi në therjen me thikë të babait të Lamine Yamal

“Mendova se isha mes jetës dhe vdekjes, kisha frikë si çdo qenie tjetër njerëzore. Duhet të jemi të qetë për të mirën e të gjithëve, times dhe familjes, nuk kam zgjidhje tjetër. Duhet të mendojmë që Drejtësia do të bëjë punën e vet. Faleminderit Zotit, Zoti është shumë i madh dhe çdo gjë ka një zgjidhje”.

“Shpresoj të dal sa më shpejt. Unë jam mirënjohës që flas përsëri. Jam pak më mirë, jam ngritur nga kujdesi intensiv”, ka thënë Nasraoui për El Chiringuito.

🎙️‼️ El PADRE de LAMINE YAMAL, EN DIRECTO en @elchiringuitotv:

😢 “Tuve MIEDO… me veía entre la VIDA y la MUERTE”.

🙏 “Estoy mejor, me han trasladado a planta”.

Mounir se sincera tras sufrir varias puñaladas. pic.twitter.com/I3LXWDgJOc

— El Chiringuito TV (@elchiringuitotv) August 15, 2024

Nasraoui pritet të jetë në spital nën vëzhgim për ditët në vijim. Ndërkohë Hansi Flick pritet të ketë në dispozicion Lamine Yamal të shtunën mbrëma për debutimin e Barcelonës në Ligë kundër Valencias në Mestalla.

Të katër sulmuesit e babait të Yamal janë arrestuar. /Telegrafi/