Ish-ylli i Real Madrid tregon tri skuadrat që do të mund të drejtohen nga Zidane

Zinedine Zidane është njëri nga trajnerët më të vlerësuar në botë, pasi ka arritur të fitojë trofe të shumtë me Real Madridin.

Por tekniku francez mund të largohet në të ardhmen nga Los Blancos për të marrë drejtimin e ndonjë skuadre tjetër evropiane.

Ish-bashkëlojtari i tij te Real Madrid, anglezi Steve McManaman ka folur rreth të ardhmes së francezit.

Anglezi thotë se Zidane ka tri opsione shumë të mira për të ardhmen, derisa më i mundshmi është rikthimi në Juventus, por kësaj radhe si trajner.

“Nëse Zidane fiton kampionatin dhe largohet, atëherë shumë skuadra të mëdha do të vihen pas tij”, ka thënë McManaman.

Ish-reprezentuesi anglez e sheh si shumë të mundur që Zizou të marrë drejtimin e Juventusit.

“Sa i përket Juventusit, Zidane ka luajtur për ta, flet italisht dhe është një hero në Torino. Do të përshtatej shumë atje, pasi e njeh ligën dhe Juventusi është një skuadër fituese”.

“Nëse Zidane i bashkohet Juventusit do të bashkohej me Ronaldon, por nuk e di nëse do të ndodh kjo pasi Sarri po bënë punë të mirë”, u shpreh McManaman.

“Mendoj se Zidane do të kishte ofertë në verë edhe nga Bayern Munich dhe PSG, pasi dy skuadrat janë të interesuara për një trajner fitues që do t’i afronte edhe më shumë me triumfin në Ligën e Kampionëve”, përfundoi anglezi. /Telegrafi/