Ish-bashkëlojtari paralajmëron ashpër Mbappen për ambientin tek Real Madridi

Real Madridi po i afrohet çdo ditë e më shumë zytarizimit të Kylian Mbappes si lojtari i tyre më i ri pas shumë vitesh negociatash dhe përpjekjesh për transferimin e tij.

Hapat përfundimtar tashmë janë shumë afër kompletimit për të dyja palët teksa Mbappe po përgatitet për javët e fundit tek Paris Saint-Germaini.

Mbappe tashmë ka konfirmuar se ai do të largohet nga PSG-ja pas përfundimit të sezonit me ndeshjen e fundit që pritet ta luajë ndaj Lyonit më 25 maj në final të Kupës së Francës.

Francezi do të transferohet tek gjiganti spanjoll si lojtar i lirë për shkak se kontrata e tij me PSG do të skadojë më datë 30 qershor.

Dy klubet ende kanë nevojë që të gjejnë një marrëveshje për të lejuar Mbappen të konfirmohet si lojtar i ‘Los Blnacos’ para fillimit të Euro 2024.

Lexo po ashtu Real Madridi ka në mendje një datë për prezantimin zyrtar të Mbappes

Sidoqoftë, përkundër gëzimit dhe emocioneve që Mbappe mund të sjell tek Real Madridi, janë ngritur shqetësime se sa do të arrijë ai të përshtatet në ekip.

Adil Rami, i cili ishte pjesë e Francës në Botërorin e vitit 2018 së bashku me Mbappen, e ka paralajmëruar sulmuesin për ndërrimin e ambientit.

“Ai do të adaptohet. Ai po shkon tek një vend me plotë ego dhe me shumë kërkesa. Gjithçka do të jetë e re për të, por mendoj se transferimi tek Real Madridi do të jetë një lëvizje e madhe në karrierë”, ka thënë Rami./Telegrafi/