iPhone do të vijë me këtë dizajn të mahnitshëm! (Foto)

iPhone 8 mund të jetë telefoni më mahnitës mobil i bërë ndonjëherë nga Apple. Dhe nëse raportet e reja janë për t’u besuar, kjo gjë do të jetë e padiskutueshme, sepse kompania ka planifikuar shumë risi në modelin e ri të telefonit të saj.

Spekulimet përreth pajisjes së ardhshme mobile të Apple tashmë po rriten, pavarësisht se modeli i fundit i kompanisë, iPhone 7, vetëm sa është lëshuar në treg muajin e kaluar.

Tani raportet e reja janë duke pretenduar se iPhone 8 do të shfaqet me një dizajn mahnitës, ndërsa Apple duket se dëshiron ta manisë botën edhe një herë tjetër.

Sipas burimeve të reja të lajmeve nga analistët e Barclays, Apple do të sjell dy variante të modelit të ri të telefonit, përkatësisht versionin me ekranin 5 inç të iPhone 8 dhe fabletin me ekran 5.8 inç. Bazuar në këto raporte thuhet se iPhone 8 do të vijë me ekranin pa korniza, që domethënë se ekrani do të jetë i plotë dhe do të mbulojë gjithë hapësirën e përparme të telefonit.

Kjo do të shënojë një hap të madh përpara për tregun e telefonave të mençur pasiqë asnjë kompani tjetër ende nuk është në gjendje të ofrojë një dizajn të tillë në këtë kohë.

Zërat e shumtë javën e kaluar tregojnë se Apple është duke planifikuar që të eksperimentojnë edhe me teknologjinë e ekranit OLED, si dhe xham të lakuar që përfundon rreth telefonit, për modelin e saj të ri – iPhone 8.

Çfarëdo që të ndodhë, ne presim të shohim iPhone-in e ri të lëshuar diku rreth muajit shtator 2017.