Interi kërkon rinovimin e kontratës së Brozovicit

Interi dëshiron të nënshkruajë kontratë të re me mesfushorin kroat, Marcelo Brozovic.

Mesfushori kroat zhvilloi një Kupë Botërore të madhe me Kroacinë, teksa formën e lartë e vazhdoi edhe në këtë fillim sezoni me Interin.

Paraqitjet e tij të mira dhe niveli i treguar kanë bërë që drejtuesit e Interit të mendojnë rinovimin e kontratës së kroatit.

Lexo po ashtu Interi i ofron Brozovicit rinovim të kontratës

Brozovic aktualisht ka kontratë të vlefshme deri në vitin 2021, por Nerazzurrë duan ta vazhdojnë edhe më tutje atë.

Përveç kësaj, drejtuesit e klubit po mendojnë t’i vendosin edhe klauzolë të re të lartë për largimin e tij, në tendencë për t’i larguar skuadrat e interesuara.

Sipas mediumit italian Calciomercato, klubi zikaltër mendon t’i ofrojnë rrogë më të lartë se tre milionë euro në vit dhe t’i vendos klauzolë prej 550 milionë eurosh.

Lexo po ashtu Agjenti: Brozovic mund të zgjasë kontratën me Interin, por ka ende një klauzolë që mund ta largojë

Ky medium shton se mesfushori kroat është i kënaqur te Interi dhe tashmë është i gatshëm të rinovojë me Nerazzurrët.

Zikaltrit e kanë transferuar Brozovicin në vitin 2014 nga Dinamo e Zagrebit dhe nga ajo kohë ka zhvilluar 112 ndeshje në të gjitha garat dhe ka shënuar 17 gola. /Telegrafi/