Interi ka gati dy largime, mesfushorët nuk bëjnë pjesë në planet e Contes

Borja Valero dhe Matias Vecino ishin dy nga blerjet e para të Interit në verën e vitit 2017 kur trajner ishte Luciano Spalletin.

Dyshja fillimisht ishin titullarë në mesfushë , duke luajtur rregullisht për një kohë të gjatë, por në kohën e fundit pas ardhjeve të shumta, minutat për të dy janë paksuar.

Prej ardhjes së Antonio Contes, asnjë prej tyre nuk shihet si i përshtatshëm dhe janë aktivizuar nga trajneri në rastet kur nuk ka pasur zgjedhje të tjera.

Stefano Sensi, Marcelo Brozovic dhe Nicolo Barella, ishin emrat që preferoheshin nga fillimi i sezonit, por edhe ardhja dhe komponimi i Cristian Eriksen, do ta bëntë të vështirë, që Vecino dhe Valero të kenë hapësirë.

Ndaj në fund të sezonit për këtë dyshe mund të vijë edhe lamtumira.

Mesfushorit spanjoll në fakt i përfundon kontrata në qershor dhe Interi nuk e ka ndërmend t’i ofrojnë një marrëveshje të re, duke qenë se ai ka edhe disa vite më shumë mbi super, largimi është i sigurt.

Sa i përket mesfushorit uruguaian Vecino, Conte nuk e ka në planë për sezonin e ardhshëm dhe zikaltrit janë në pritje të ofertave.

Për të ka pasur interesim nga klubet e Ligës Premier në të shkuarën. /Telegrafi/