Interesim edhe nga skuadra tjera të mëdha, Liverpooli përshpejton negociatat me Fulhamin për Carvalhon

Fabio Carvalho ka qenë shumë afër t’i bashkohet Liverpoolit në afatin kalimtar të janarit.

Kur pritej vetëm zyrtarizimi, një gjë e tillë nuk ndodhi dhe talenti i ri mbeti në Londër te Fulham.

Edhe trajneri Jurgen Klopp ka shprehur pëlqim për portugezin e natyralizuar si anglez dhe ka thënë se dëshiron me çdo kusht transferimin e tij.

Por duket parë konkurrencën e madhe nga Borussia Dortmund, Chelsea e Manchester United, drejtuesit e The Reds po përshpejtojnë për të gjetur një marrëveshje të re me Fulhamin.

Footbal Insider ka raportuar se The Reds janë futur në bisedime me Fulhamin dhe duan të sigurojnë shërbimet e lojtarit sa më parë.

Megjithatë skuadra londineze nuk po ngutet, pasi po pret që t’i fus ekipet e interesuara në një ankand se cila do të ofrojë më shumë për talentin e tyre.

Gjithsesi mediat angleze raportojnë se londinezët do të ishin të kënaqur të fitonin mbi 15 milionë euro nga shitja e Carvalhos.

19-vjeçari këtë edicion në 20 ndeshje me fanellën e Fulham ka shënuar tetë gola dhe ka asistuar në katër të tjerë. /Telegrafi/