Iniesta do të largohet nga Barcelona për tu transferuar në Kinë, Tianjin e bënë futbollistin më të paguar në botë

Andres Iniesta do të largohet nga skuadra e Barcelonës në fund të sezonit.

Mesfushori spanjoll ditë më parë deklaroi se ndeshja ndaj Romës ishte e fundit për të në Ligën e Kampionëve.

Me atë deklaratë, spanjolli la të kuptohej se do ta vazhdoj karrierën në një kontinent tjetër larg nga Evropa.

Tani mediat spanjolle kanë zbuluar se Iniesta karrierën e tij do ta vazhdoj në kampionatin kinez.

Tianjin Quanjian pritet të jetë skuadra e tij e re sipas asaj që ka lajmëruar Radio Catalunya.

33-vjeçari do të nënshkruajë kontratë dy vjeçare me klubin kinez dhe këtë do ta bëjë para kampionatit botëror.

E me tu transferuar në Kinë, Iniesta do të bëhet edhe futbollisti me pagën më të lartë në botë.

Tianjin i ka ofruar pagë vjetore prej 37 milionë eurove Iniestas dhe duket se kjo është arsyeja që mesfushori ofensivë ka pranuar transferimin në Kinë.

Mesfushori anësorë ka debutuar me skuadrën e parë të Barcelonës në vitin 2003 dhe që nga ajo kohë nuk ka ndërruar klub.

Reprezentuesi spanjoll deri më tani ka zhvilluar 668 ndeshje me fanellën e Barcelonë ku ka shënuar 56 gola dhe ka dhuruar 141 asistime. /Telegrafi/