Icardi: Krenar që po bëj histori te PSG – në Barcelonë mësova shumë, në Itali nuk mi kuptonin lëvizjet

Mauro Icardi ka thënë se kundërshtarët e ekipeve në Serie A duhej të “përshtateshin me lëvizjet e mia”, dhe ai është krenar që ka thyer rekordin e Zlatan Ibrahimovicit në Paris Saint-Germain.

Sulmuesi argjentinas u largua nga Nerazzurrët në ditët e fundit të afatit veror të transferimeve në huazim te gjigandët e Ligue 1 pasi iu bë e qartë se ai nuk kishte të ardhme në klub.

Icardi është përshtatur shpejt në Francë, dhe së fundmi theu një rekord të klubit që i takonte Ibrës si lojtari më i shpejtë që arrin të shënojë 10 gola për parisienët.

Lexo po ashtu Icardi: Kam shënuar rreth 150 gola, në zonë jam “vrasës”

“Nuk e dija këtë dhe është një burim krenarie për të arritur këtë lloj gjëje dhe për të bërë histori për një ekip si Paris Saint-Germain”, ka thënë fillimisht Icardi për kanalit zyrtar PSG TV.

“Unë përpiqem të jem gjithmonë i përgatitur dhe të jem gjithmonë një mundësi për bashkëlojtarët e mijë me vrapimet dhe lëvizjen time në mënyrë që ata të gjejnë një lojtar të lirë në sulm”.

“Jam gjithmonë i gatshëm dhe i përqendruar për të lëvizur sa më shpejt që është e mundur që sa më shpejt të marr topin”.

Icardi është vetëm 26 vjeç, por tashmë ka luajtur në Spanjë, Itali dhe Francë, pra çfarë ka mësuar nga secili vend?

Lexo po ashtu Real Madridi interesohet për Icardin, synon t’ia rrëmbejë PSG-së nga duart

“Në Barcelona mësova shumë rreth taktikës dhe teknikës. Filozofia e lojës është shumë e fortë. Më ndihmoi në Itali të adaptohesha shpejt dhe të kuptoja lojën”.

“E njëjta gjë vlen edhe për lëvizjen time në fushë, sepse në Itali nuk ishin mësuar me lëvizjet që bëja”.

“Gjithë kjo zhvilloi inteligjencën time të lojës në fushë. Taktikat dhe ndikimi fizik gjithashtu ndërtuan lojtarin që jam sot”, përfundoi ylli argjentinas.

PSG ka mundësinë të blejë Icardin për një shumë prej 70 milionë eurosh verën e ardhshme, ndërsa raportohet se Real Madridi dëshiron t’ia rrëmbej parisienëve. /Telegrafi/