Icardi i gatshëm të nënshkruajë kontratën e re me Interin

Mauro Icardi është i gatshëm që të nënshkruajë kontratën e re me Interin deri në vitin 2023, në vlerë prej shtatë milionë eurosh plus bonuse.

Agjentja e lojtarit dhe bashkëshortja, Wanda Nara, publikoi një postim në Twitter të premtën duke konfirmuar se rinovimi është afër të ndodhë.

“Është ora 00:30 dhe unë ende jam këtu duke lexuar faqet e kontratës së rinovuar për Mauro Icardin”, ka shkruar Wanda.

Sono le 00.30 ed io ancora qua a leggere le pagine del rinnovo 👀 @MauroIcardi

— wan (@wanditanara) December 14, 2018

Kjo ndërlidhet me spekulimet se Interi tashmë ka dërguar propozimin të shkruar i cili është gati që të nënshkruhet.

Një marrëveshja konsiston nga një rinovim deri në qershor të vitit 2023 dhe sulmuesi do të përfitojë shtatë milionë euro në vit, plus bonuse të shumta.

Mbetet të shihet nëse klauzola do të jetë 110 milionë euro që është e vlefshme vetëm nga 1 deri 15 korrik për klube jashtë Italisë.

Negociatat janë zhvilluar për muaj të tërë, por Icardi është ai që ka qenë vendimtar duke precizuar se dëshiron të qëndrojë në Giuseppe Meazza përkundër interesimit të hatashëm të Chelseat dhe Real Madridit.

Sulmuesi 25 vjeçar ka nënshkruar 119 gola në 200 paraqitje për Interin. /Telegrafi/