Hyundai Prophecy nuk do të ketë timon, sistemi ri i drejtimit thuhet të jetë shumë më i sigurt

Me këtë makinë, thuhet se do të vazhdojë evoluimi i makinave qëmbushen me rrymë

Anulimi i Geneva Motor Show për shkak të përhapjes së coronavirusit, ka bërë që të mos prezantohet në kohën e paraparë, andaj Hyundai i prezantoi konceptin e Prophecy nëpërmjet disa imazheve në internet, transmeton Telegrafi.

Largimi shtresave të kamuflazhit, ka shfaqur një makine më linja shumë të rrumbullakosura, që në shikim të parë ngjanë me një Porsche.

Por, kjo thuhet se është gjuha e re dizajnuese që po e zhvillon Hyundai, që deri më tani nuk e ka aplikuar në asnjë prej modeleve të reja.

Vetëm se sikur te Hyundai Polisade edhe Prophecy ka dukje shumë agresive, me përfundime shumë më të mprehta.

Gjëja më e veçantë e kësaj makine që mbushet me rrymë, është se në brendi nuk do të ketë timon, ndërsa sistemi i ri i drejtimit thuhet të jetë më i sigurt, sepse përbëhet nga dy joystik.

Njëri në anën e brendshme të derës, ndërsa tjetri në anën tjetër, janë dy nga këto pjesë të pajisjes, që i mundësojnë drejtimin e veturës.

Deri më tani, nuk është bërë e ditur se si mund të funksionojë kjo makinë, që besohet se do ta vazhdojë evoluimin e makinave që mbushen me rrymë në mënyrë sa më të mirë. /Telegrafi/