Humbja i dhemb shumë, Mourinho do t’i largojë pesë futbollistë nga Roma në janar

Roma ka pësuar një humbje turpëruese në udhëtim te Bodo/Glimt në kuadër të Ligës së Konferencës.

Giallorosët u mposhtën me rezultat të thellë 6-1 në një ndeshje që Jose Mourinho e kishte nisur me rezervat e tij.

Kjo humbje e ka acaruar jashtëzakonisht shumë trajnerit portugez i cili ka shfryer në deklaratë pas ndeshjes për lojtarët, duke thënë se janë në limite.

Por duket se ata që luajtën mbrëmë nuk do të falen nga Special One, ngase mediat italiane kanë raportuar se pesë nga ta do të largohen gjatë afatit kalimtar të janarit.

Në mesin e lojtarëve që pritet të largohet është edhe mbrojtësi shqiptar, Marash Kumbulla i cili ndaj Bodo/Glimt ishte ndër më të dobëtit në fushë.

Bryan Reynold, Borja Mayoral, Gonzalo Villar, Amadou Diawara dhe Marash Kumbulla janë lojtarët që pritet t’i thonë lamtumirë Romës gjatë janarit.

Mourinho do të kërkojë që në afatin kalimtar të janarit të marrë lojtarë të tjerë te Roma, pasi e ka thënë se me grupin aktual të futbollistëve do ta ketë të vështirë edhe top katërshen. /Telegrafi/