Humb jetën pasagjeri që e shtynë teksa po hipte në anije, detaje tronditëse të tragjedisë në Greqi – kapiteni dhe ekuipazhi arrestohen  

Kapiteni dhe ekuipazhi i tragetit “Blue Horizon” u arrestuan për ngjarjen në Pire, ku një 36-vjeçar humbi jetën tragjikisht teksa tentonte të hipte në anijen që duhej të lundronte drejt Kretës.

Aksidenti ka ndodhur në linjën Pire – Heraklion, kurse fatkeqi ka tentuar të hipë, por pas një konflikti me stafin e tragetit ka rënë në det dhe është mbytur.

Portali grek “Prototema” ka publikuar një video rrëqethëse që hedh dritë të re mbi tragjedinë, transmeton Telegrafi.

Në video, shihet një burrë që tenton të hipë në anije, ndërsa ekuipazhi i tragetit Blue Horizon po zgjidh litarin.

Crew members of the ship Blue Horizon are seen to push away a 36yo passenger that was late.
That led to the passenger losing his balance, falling in the sea and unfortunately, losing his life.
The incident took place tonight on the Piraeus port, Athens. pic.twitter.com/VRimC4hO1l

— Blondie (@Nimia82076477) September 5, 2023

Ai arrin dhe ngjitet në platformën hyrëse të një anijeje që ka filluar manovrën e nisjes, por nuk ka dalë ende nga porti.

Aty vjen deri te konflikti me stafin e “Blu Horizon”, të cilët e kanë shtyrë nga anija. Burri fatkeq përpiqet të qëndrojë në platformën e hyrjes dhe të hipë në anije për të udhëtuar në Heraklion, por dy anëtarët e ekuipazhit e shtyjnë përsëri me forcë për ta hedhur nga anija.

Nga këto veprime, ai humb ekuilibrin dhe bie në det duke luftuar me dallgët. Nuk dihet nëse ka goditur kokën apo ndonjë pjesë e tjetër e trupit është përplasur gjatë rënies.

https://www.youtube.com/watch?v=1YTlstBCrvQ&ab_channel=ProtoThema

Disa minuta më vonë është nxjerr i vdekur teksa anija “Blue Horizon” po lundronte drejt Heraklionit sikur të mos kishte ndodhur asgjë.

Siç njofton Ministria e Punëve Detare, pritet që autoriteti qendror portual i Pireut të marrë deklaratat për ngjarjen nga dëshmitarët okularë dhe ekuipazhi në kuadër të hetimeve paraprake.

Siç raporton ERT, kompania do të ndërrojë ekuipazhin dhe anija do të niset sërish drejt Kretës kur të mbushen depozitat e pasagjerëve.