Homo-sapiensët dhe neandertalët kanë bërë seks: Njerëzit modern kanë gjene të neandertalit! (Video)

Gjenomi që është marrë nga një skelet 36 mijë vjeçar, u ka ndihmuar shkencëtarët të hedhin dritë të re mbi kryqëzimin (hibridizimin) e njerëzve dhe neandertalëve. Studimi i ADN-së së nxjerrë nga fosili i një prej banorëve më të vjetër evropianë - një burrë që ka jetuar në Rusinë perëndimore - tregon se gjenetika e banorëve më të hershëm të kontinentit ka mbijetuar Epokën e Akullt, duke mundësuar lindje e popullsive të kohëve moderne.

I njohur si gjenomi Kostenki, ADN-ja përmbante dëshmi se njeriu ka, si të gjithë njerëzit e Euro-Azisë sot, një përqindje të vogël të gjeneve të neandertalit, duke vërtetuar kështu gjetjet e mëparshme të cilat tregojnë për periudhën kur neandertalët dhe njerëzit e parë që lanë Afrikën për të shkuar në Evropë kishin shkurtimisht marrëdhënie, raporton Huffington Post, transmeton Telegrafi.

Kjo do të thotë se edhe sot, secili me prejardhje euroaziatike – nga kinezët tek skandinavët dhe ata të Amerikës së Veriut – kanë elemente të vogla të ADN-së neandertalit. Por, përkundër asaj se euroaziatikët kanë ndarë tokën evropiane me neandertalët edhe për 10 mijë, periudha të mëtejshme të shumimit të përbashkët nuk kanë ndodhur.

Robert Foley, profesor në Universitetin e Kembrixhit, tha: “A është pakësuar shpejtë popullata neandertale? A i hasën ende ata njerëzit modernë? Ne fillimisht jemi befasuar kur kemi zbuluar se ata kishin marrëdhënie. Por, çështja është pse kaq pak? Ky është një zbulim i jashtëzakonshëm që ne ende nuk po e kuptojmë”.

Autori Eske Willerslev tha se u zbulua një rrjet kompleks i marrëdhënieve të popullsisë në të kaluarën, duke përcaktuar për herë të parë një kornizë të fortë se si njerëzit janë përgjigjur ndaj ndryshimeve klimatike, ballafaqimet me popullatat e tjera, dhe peizazhet dinamike të Epokës së Akullt.

Studimi i udhëhequr nga Qendra për gjeogjenetikë në Universitetin e Kopenhagës, është kryer nga një ekip ndërkombëtar i studiuesve, përfshirë Universitetin e Kembrixhit dhe departamentet e saj për arkeologji, antropologjisë dhe zoologji.

Shkencëtarët tani besojnë se euroaziatikët janë ndarë në të paktën në tri popullsi para 36 mijë vjetëve. Euroaziatikët perëndimorë, euroaziatikët lindorë dhe linja e tretë misterioze. Që të gjithë këta do të zhvillojnë karakteristikat unike të pasardhësve shumicës së popujve jo-afrikanë – por jo para se të ndodhnin marrëdhëniet me neandertalët.

Studimi i ri lejon shkencëtarët të vlerësojnë më saktë se kur ka ndodhur kjo: 54 mijë vjet më parë, para se popullsia euroaziatike nisi të ndahet.

Popullatat evropiane si tërësi kanë ruajtur të njëjtën gjenetikë që nga themelimi i vendbanimeve jashtë Afrikës, derisa popullatat e Lindjes së Afërt arritën 8000 mijë vite më parë, duke sjell me vete bujqësinë dhe ngjyra më të ndritshme të lëkurës.

Marta Mirazon Lahr thotë: "Për 30.000 vjet, shtresat e akullit vinin e shkonin, duke mbuluar në një moment dy të tretat e Evropës. Kulturat e vjetra vdiqën dhe ato të reja u shfaqën… Vetëm kur erdhën nga Lindja e Afërt para 8000 vitesh, struktura e popullatës evropiane ndryshoi shumë”.
 
Për ta sqaruar këtë temë shkencore, Telegrafi ju përkujton se teoria e mëparshme thoshte se neandertalët janë takuar me homo-sapiensët (paraardhësit tanë), porse neandertalët u zhdukën pasi ndonëse ishin fizikisht më të fortë, nuk ishin të zgjuar sa njerëzit modernë për sigurimin e ushqimit dhe burimeve për jetesë. /Telegrafi/