Një qytet i vogël francez, Arcis-sur-Aube, po bëhet i famshëm në internet sepse kryetari i tij, Charles Hittler, kandidohet për rizgjedhje në zgjedhjet komunale.
Një nga kundërshtarët e tij quhet Renault-Zielinski, dhe emrat e tyre kanë nxitur shaka të shumta online, shkruan bbc.
Hittler thotë se gjithë kjo vëmendje po e tepron, pasi njerëzit interesohen vetëm për emrat dhe jo për politikat e qytetit.
Familja e tij ka origjinë nga Alsacia, dhe emrin nuk e ndryshuan pas Luftës së Dytë Botërore për shkak të kostove dhe burokracisë.
Disa nga pasardhësit përdorin emra të tjerë për të shmangur turpin, por Hittler ka vendosur ta ruajë emrin, duke thënë se njerëzit shikojnë personin pas tij.
Qyteti ka lidhje historike me Luftën e Napolonit dhe ka dhënë emrin për qytetin ukrainas Artsyz.
Në raundin e parë të zgjedhjeve, Hittler udhëhoqi me një diferencë të vogël ndaj kundërshtarëve. Emri Hitler mbetet i rrallë dhe pothuajse i zhdukur që nga Lufta e Dytë Botërore. /Telegrafi/
