Heroi i ri i LA Lakers, Matt Ryan, që askush nuk e njihte: Para dy vitesh punonte si varrmihës dhe shpërndante ushqim për të siguruar jetesën

Los Angeles Lakers ka fituar mbrëmë, duke marr fitoren e dytë radhazi, pas katër humbjesh dhe heroi i mbrëmjes ishte një lojtar që shumë njerëz pak kanë dëgjuar për të.

Los Angeles Lakers mposhti Neë Orleans pas kohës shtesë me rezultat 120:117, pasi loja shtesë ishte siguruar nga një basketbollist 25-vjeçar i cili është i panjohur edhe për tifozët në LA.

New Orleans ishte në epërsi 111:108, me 1.3 sekonda të mbetura, kur Austin Reaves po kalonte topin nga vija anësore dhe opsionet logjike të pasimit ishin LeBron James dhe Anthony Davis.

Megjithatë, ai vendosi të kalojë në anën tjetër të fushës për Matt Ryan, i cili deri në atë moment kishte shënuar vetëm një nga tri tentime për tre pikë, por shënoi dhe e qoi lojën në shtesë dhe atë nga një situatë shumë e vështirë, duke i shpëtuar Lakers nga humbja.

Así lo mandaba MATT RYAN a tiempo extra para mantener con vida en el partido a los Lakers, quienes en el tiempo extra terminarían ganando el partido.

Lo que puede cambiar un tiro 🤯 💥.

pic.twitter.com/3pOcb4rgYD

— Desde El Codo (@DesdeElCodo) November 3, 2022

Të gjithë adhuruesit e basketbollit pyesin me të drejtë: Kush është Matt Ryan dhe si ka mundësi që kemi dëgjuar për të vetëm në moshën 25-vjeçare?

Ryan, i cili ka të njëjtin emër dhe mbiemër si qendërmbrojtësi i famshëm në NFL, ka lindur në vitin 1997 në Nju Jork, dhe gjatë karrierës së tij në kolegje ka luajtur për Notre Dame (2015-2017), Vanderbilt (2018-2019) dhe Chattanooga (2019-2020).

Ai nuk u përzgjodh në draftin e vitit 2020, dhe më pas ndaloi së luajturi basketboll për shkak të pandemisë së coronavirusit, dhe në gjysmën e dytë të 2020 dhe gjysmën e parë të 2021 ai punoi në një kompani të shpërndarjes së ushqimit për DoorDash dhe UberEats).

Madje ai për të siguruar jetesën punoi edhe si varrmihës në varrezat Yonkers, Nju Jork.

Në fund të vitit 2021, ai mori një ofertë nga Bostoni dhe nënshkroi një “kontratë të dyanshme” me ta, por veshi fanellën e Celtics vetëm një herë.

MATT RYAN CAME UP HUGE IN THE LAKERS WIN https://t.co/MFzf9hEa3m pic.twitter.com/psRJQdSb9G

— NBA (@NBA) November 3, 2022

Para fillimit të këtij sezoni, ai nënshkroi për LA Lakers dhe sigurisht që do ta mbajë mend ndeshjen e mbrëmshme, e cila ishte vetëm e gjashta në NBA dhe në të cilën shënoi gjithsej 11 pikë. /Telegrafi/