Hazard refuzon ofertën e madhe saudite, ka një ide në mendje

Ylli belg, Eden Hazard thuhet se ka refuzuar një ofertë të madhe së fundmi nga Al Hilal në Arabisë Saudite, pasi mendon të pensionohet nga futbollit.

Hazard ndërpreu kontratën e tij me Real Madridin këtë verë, duke u bërë lojtar i lirë dhe emër atraktiv për shumë klube gjithandej botës.

Shumë klube kanë pyetur për 32-vjeçarin, duke filluar nga Crystal Palace, në Ligue 1 me Nice, Marseille e Lille e deri te Botafogo dhe një klub i paidentifikuar i MLS-së.

Lexo po ashtu Hazard lidhet me një rikthim të pamundur në Ligën Premier

Sulmuesi anësor së fundmi thuhet se ka pranuan edhe një ofertë të madhe nga Al Hilal, por edhe këtë e ka refuzuar si të secilit klub tjetër.

Sipas gazetarit Dahbia Hattabi nga Footmercato, Hazard dëshiron të ndalojë karrierën e tij si lojtar profesionist, pasi për momentin është i fokusuar të kalojë kohën e lirë me familjen e tij.

Ka ende mundësi që ish-lojtari i Real Madridit të pranojë t’i bashkohet një klubi turk në javët në vijim.

Lexo po ashtu Eden Hazard mund të pensionohet në moshën 32-vjeçare

Disa javë më parë, sulmuesi tha se ndihet ende si një futbollist profesionist dhe ka ‘karburant’ të mjaftueshëm në rezervuar për të vazhduar.

Hazard ka dështuar te Real Madridi, pasi ka shënuar 7 gola dhe ka dhënë 12 asistime në 76 paraqitje për Los Blancos nga viti 2019 deri në vitin 2023. /Telegrafi/