Harrojeni gafën e Courtois, portieri i Leverkusenit shënon autogolin e shekullit

Portieri i Bayer Leverkusenit, Lukas Hradecky prodhoi një moment çmendurie ndërsa shënoi ‘autogolin e shekullit’ të shtunën pasdite.

Para disa ditësh, portieri i Real Madridit, Thibaut Courtois bllokoi rrjetet sociale pas një gafe të madhe me kombëtaren e Belgjikës.

Courtois në ndeshje ndaj Danimarkës pranoi një gol pas një topi të kthyer nga Nacer Chadli, por reagimi i dobët bëri bujë të madhe.

Lexo po ashtu Gafa amatore e portierit Courtois ka pushtuar rrjetet sociale në mbarë botën

Megjithatë, gafa e Courtois është harruar shpejtë pasi tani bujë të madhe në rrjetet sociale po bën portieri i Leverkusenit, Hradecky.

Një pasim mbrapa shkoi tmerrësisht keq për Hradecky, i cili me një reagim shumë të dobët e futi topin në portën e tij, duke prodhuar ‘autogolin e shekullit’.

https://twitter.com/ajkutlu_/status/1330174852129562628

Autogoli i Hradecky erdhi në minutën e 47-të duke ia mundësuar Armenia Bielifeldit ta barazojnë rezultatin 1-1.

Në fund, ky gol ishte ndër më vendimtarët në humbjen 2-1 të Leverkusenit, pasi pranuan edhe një gol në fund të ndeshjes. /Telegrafi/

https://twitter.com/blackyellowL0ve/status/1330174125533487104