Haradinaj tregon si ia vranë vëllain dhe si e shpëtoi Rafet Ramën (Video)

Lideri i Aleancës për Ardhmërinë e Kosovës, Ramush Haradinaj, edhe një herë ka folur për deputetët e pozitës, të cilët nuk e votuan marrëveshjen e demarkacionit të kufirit me Malin e Zi në Kuvend.

Ai ka thënë se pozita nuk arriti të kalojë Demarkacionin, jo vetëm pse opozita nuk donte, por sepse ata nuk u përkrahën as nga një numër i deputetëve të tyre.

Haradinaj, në emisionin “Komiteti Qendror” në RTV Dukagjini, ka shtuar se deputetët e pozitës nuk u frikësuan as nga vetë ai, e as nga dikush tjetër i opozitës, por nuk e votuan Demarkacionin sepse, sipas tij, ata kanë ndjerë përgjegjësi të mbrojnë territorin e trevës nga ata vijnë.

Ai ka përmendur deputetin e Partisë Demokratike të Kosovës, Rafet Rama, për të cilin ka thënë se ia ka shpëtuar jetën, dhe për shkak të mbrojtjes së Ramës, iu vra vëllai i tij, Luan Haradinaj.

Dhe këtë, Haradinaj ka thënë se e ka bërë sepse gjithmonë ka pasur qëllim mbrojtën e territorit të Kosovës dhe njerëzve të saj, prandaj nuk do t’ia falë kurrë deputetit Rama votimin e Demarkacionit, me anë të të cilit, sipas kreut të AAK-së, i merret tokë Kosovës. /Express/