Hapni dyert e mundësive: Ftohen bizneset kosovare të marrin pjesë në eventin me eksportuesit turq të sektorit hekur-çelik

“Cilësi, besueshmëri, përmirësim të vazhdueshëm dhe inovacion” është motoja që do t’a përcjell ngjarjen dhe motivin e eventit që do të hap rrugë bashkëpunimi për bizneset e industrisë së hekur-çelikut nga Turqia dhe Kosova.

Ambasada Turke në Kosovë, specifikisht Unioni Turk i Eksportuesve (ÇİB) e njohur për misionin e saj në ndërtimin e një tregu të gjerë në industrinë metalurgjike, po organizon një ngjarje të rëndësishme ekonomike, ku nikoqir kësaj here do të jetë Prishtina.

Ky event po hap dyert për të gjitha kompanitë nga Kosova dhe rajoni, të cilat operojnë në këtë sektor, ndaj ftohen të marrin pjesë për të eksploruar mundësitë e bashkëpunimit me 28 kompani turke, te cilat priten të jenë pjesë e kësaj ngjarje.

Me 25 shkurt duke filluar nga ora 10:00 deri në ora 18:00 në Emerald Hotel, me një agjendë të detajuar, janë planifikuar të mbahen mbi 100 takime dypalëshe biznesore.

Ky organizim do të jetë një “dritë e gjelbërt” në vazhdimin e investimeve të përbashkëta dhe do të shërbejë si gur themel për kompanitë prodhuese për forcimin e bashkëpunimit dhe rritjen e tregtisë mes dy vendeve.

Ceremonia e hapjes do të mbahet në ora 09:00, ku do të marrin pjesë Ambasadori i Turqisë në Prishtinë, z. Sabri Tunç Angılı, si dhe Atasheu Tregtar, znj. Seda Ulukaya, me ç’rast pritet të flitet për nxitjen e bashkëpunimit të mëtutjeshëm ndërmjet Kosovës dhe Turqisë.

Misioni Tregtar në Kosovë do të organizohet nën drejtimin e Kryetarit të Unionit të Eksportuesve të Çelikut (ÇİB), z. Adnan Aslan, i cili ka theksuar se eksportet e çelikut nga Turqia në Kosova kanë shënuar rritje të konsiderueshme prej 148% në vitin e kaluar, duke arritur kështu në 264 mijë tonë.

Turqia tashmë përfaqëson 40% të tregut të hekur-çelikut dhe metaleve në Kosovë dhe kompanitë turke ofrojnë produkte me cilësi të lartë, duke u konsideruar si një aleat për vendin.