Hansi Flick ka kërkuar këshilla nga Guardiola para se të konsiderojë ofertën e Barcelonës

Nëse dëshironi të dini një ose dy gjëra lidhur me atë që përfaqëson Barcelona, të pyesësh Pep Guardiolën nuk është një ide e keqe. Kjo është saktësisht ajo që ka bërë Hansi Flick, sipas mediumit spanjoll Relevo.

Guardiola për herë të fundit ishte në krye të Barçës në 2012 por ai mbetet një tifoz i tyre i zjarrtë pasi kishte luajtur për ta gjatë kohës sa ishte aktiv në futboll dhe më vonë kishte pasur sukses edhe si trajner.

Prandaj, Flick i cili është lidhur mjaft shumë për tu bërë trajneri i ardhshëm i Barcelonës, udhëtoi në Mançester për të përcjellur nga afër Man Cityn teksa stërviteshin për duelin e fazës çerekfinale në Ligën e Kampionëve ndaj Kopenhagës.

Me të përfunduar ndeshja Flick kishte shijuar një darkë me Guardiolën, ku i pranishëm aty ishte edhe Domenec Torrent, ish-asistenti i Guardiolës tek Bayerni.

Lexo po ashtu Thellohen problemet për Laportan - lojtari refuzon të largohet nga Barcelona

Është thënë se Flick ka bërë pyetje të ndryshme rreth Barçës dhe ka kërkuar shpjegime të detajuara nga Guardiola.

Ju mund ta imagjinoni se Pep Guardiola ka mundur të thotë vetëm fjalë të mira për blaugranasit ani pse gjërat nuk po funksionojnë siç duhet në klub për momentin.

Duket se interesimi i Barcelonës për Flickun është ‘ende gjallë’ përkundër raportimeve të ndryshme që pretendonin se ai nuk është një opsion për shkak se nuk ka konkurrencë jashtë Gjermanisë./Telegrafi/