Një video spektakolare aktualisht po qarkullon në internet nga një hangar avionësh në Aeroportin Ndërkombëtar O’Hare (ORD) në Çikago.

Ajo tregon sesi gypat spërkatnin avionët e shumtë të kompanisë ajrore amerikane American Airlines, transmeton Telegrafi.

E gjitha kjo ndodhi si pasojë e një alarmi të zjarrit dhe për këtë u aktivizua edhe sistemi kundër zjarrit.

Sisteme të tilla janë krijuar për të shuar zjarret sa më shpejt dhe me efikasitet që të jetë e mundur.

Në rastin specifik, megjithatë, duket se nuk ishte një zjarr, por një gabim që ishte përgjegjës për lëshimin e sasisë së madhe të shkumës.

Sipas linjës ajrore në fjalë, asnjë person nuk u lëndua në incident. Gjithashtu nuk ka pasur dëme.

Sidoqoftë, pastrimi pas incidentit mund të ketë marrë ca kohë. /Telegrafi/