Handanovic heroi i Interit, tri pritjet e sllovenit që i dërguan Nerazzurrët në Ligën e Kampionëve

Portieri slloven, Samir Handanovic ishte më meritori që Interi arriti të kualifikohet në Ligën e Kampionëve për sezonin e ardhshëm.

Interi arriti të fitojë ndeshjen e fundit të Serie A në shtëpi ndaj Empolit me rezultat të ngushtë 2-1.

Kjo fitore në fije të perit ia siguroi zikaltërve kualifikimin për në Ligën e Kampionëve për sezonin e ardhshëm, ndërsa Milani mbeti në Ligën e Evropës.

Nerazzurrët kanë vuajtur shumë për të marr tri pikët e kësaj ndeshjes pasi Empoli barazoi rezultatin dhe kur ishte në disavantazh pati disa raste të mira shënimi.

Megjithatë, heroi i Interit ishte portieri slloven Handanovic, i cili kreu shumë pritje në këtë ndeshje, ku disa ishin vendimtare.

Tri pritjet më të mira të Handanovicit, të cilët edhe janë ndër më meritoret që Interi siguroi Ligën e Kampionëve janë ato të minutës së 31-të, 70-të dhe një e minutave shtesë (90+2).

Më poshtë keni videon e pritjeve të Handanovicit dhe vlerësojeni vet se ishte apo jo më meritori. /Telegrafi/

Handanovic vs Empoli – The 3 key saves that got Inter Champions League qualification. pic.twitter.com/qPTwoRSfrz

— InterYaLautaro (@InterYaLautaro) May 26, 2019