Haley tërhiqet nga gara për nominim republikan – Trumpin nuk do ta mbështes për president

Duke folur nga shteti i saj i lindjes, Karolina e Jugut, Nikki Haley njofton se “ka ardhur koha për të pezulluar fushatën time”.

Ajo thotë se vendimi i saj për të kandiduar ishte “bazuar në dashurinë për vendin tonë” dhe këmbëngul se “vetëm në Amerikë” nëna e saj emigrante ishte në gjendje të votonte për vajzën e saj si presidente.

Lexo po ashtu Nikki Haley, gruaja e një burri me prejardhje shqiptare mund të bëhet presidente e SHBA-së

Haley thotë se është “e mbushur me mirënjohje” për ata që e kanë mbështetur dhe “nuk është penduar” për kandidimin.

Ajo vazhdoi duke thënë se edhe pse po tërhiqet, nuk do të ndalet së foluri për atë që beson, raporton skynews.

“Bota jonë është në zjarr për shkak të tërheqjes së Amerikës. Qëndrimi pranë aleatëve tanë në Ukrainë, Izrael dhe Tajvan është një imperativ moral, por gjithashtu është më shumë se kaq”, thotë ajo.

“Nëse tërhiqemi më tej, do të ketë më shumë luftë dhe jo më pak”, shtoi 52-vjeçarja.

Gjithashtu ajo ka bërë të ditur se nuk do ta mbështes ish-presidentin amerikan për zgjedhjet e nëntorit.

“Unë kam qenë gjithmonë një republikane konservatore dhe gjithmonë kam mbështetur kandidatin republikan, por për këtë pyetje… Margaret Thatcher dha disa këshilla të mira kur tha “kurrë mos ndiqni turmën, gjithmonë vendosni vetë”.

Ndryshe, rivalët e tjerë të Trumpit u larguan pas votimit të parë në Iowa, ku ish-presidenti regjistroi një fitore historike. /Telegrafi/