Haaland tregon se me cilët ish-lojtar të Man City do të donte të luante në ekipin aktual, tifozët pëlqejnë njërën nga zgjedhjet e tij

Erling Haaland emëroi zgjedhjet e tij për dy ish-lojtarët e Manchester Citit me të cilët do të donte të luante përkrah në skuadrën aktuale të Pep Guardiolës, ndërsa përgjigjet e tij janë të pritshme deri diku.

Sulmuesi i Cityt ka qenë në formë fenomenale duke shënuar shumë gola në sezonin e tij debutues në Angli pas transferimit të tij mahnitës prej 60 milionë eurosh nga Borussia Dortmund verën e kaluar.

Haaland ka shënuar 47 herë në vetëm 40 paraqitje në të gjitha garat për Cityn, me yllin norvegjez që nuk po tregon aspak shenja të ngadalësimit.

22-vjeçari norvegjez e çoi numrin e golave ​​të tij në Ligën Premier në 32 nga 28 ndeshje, duke e çuar atë nëntë më shumë se Harry Kane në garën për Këpucën e Artë.

Lexo po ashtu Haaland barazoi rekordin e Ligës Premier për gola të shënuara

Haaland mori çmimin e Lojtarit të Muajit te Cityt për muajin mars, një muaj në të cilin ai shënoi pesë gola të pabesueshëm kundër RB Leipzig në 1/8-tën eLigës së Kampionëve .

Duke u shfaqur në videon e TikTok të Cityt, Haaland po mbante në dorë çmimin e tij “Lojtari i Muajit” kur u pyet se cilin ish-lojtar të Cityt donte në ekipin aktual.

Ish-ylli i Dortmundit zbuloi se dy zgjedhjet e tij do të ishin ose legjenda e Cityt, Vincent Kompany ose i preferuari i tifozëve, Mario Balotelli.

@mancity

Haaland reveals which ex-City player he would’ve liked to play alongside! 👀 @Etihad #ManCity #ManchesterCity #ErlingHaaland #Haaland #PlayerOfTheMonth

♬ original sound – Manchester City

“Unë mendoj se duhet të them Vincent Kompany, legjendë e madhe”, ka thënë fillimisht Haaland.

“Mendoj se do të ishte gjithashtu argëtuese të luash me Balotellin. Pra, një nga këto dy: Balotelli ose Kompany do të ishte shumë mirë”, përfundoi norvegjezi.

Lexo po ashtu Haaland zbulon 'ilaçin e tij magjik' në një postim në rrjetet sociale

“Do të kisha dashur të shihja Erling dhe Mario në sulm”, ishte njëri nga komentet e fansave në rrjetet sociale.

Disa nga komentet tjera shkruanin: “Ndjej sikur Balotelli do të arrinte potencialin e tij të plotë me të në sulm” dhe “Imagjinoni Haaland dhe Balotellin në sulm në të njëjtin ekip. Do të ishte kaos”. /Telegrafi/